Red Purple Black
Kurdistanigawre@gmail.com
قسەکانی هادی العامری چەند لە سەر دڵمان گرانە ئەوەندە سود بەخشە

10616058 10204031664285273 4591101164101684573 n

قسەکانی هادی العامری چەند لە سەر دڵمان گرانە ئەوەندە سود بەخشە
هادی العامری و حنان فەتلاوی دوو کەسایەتی سیاسی ڕاستگۆی شیعە
پێویستە پارێزگار و کاربەدەستانی کەرکوک وڵام بدەنەوە
هەرچەند هاتنی لە ناوەخت و زل کردن و گوێ گرتن و وەرگرتنی لێدوانی ڕۆژنامەوانی بۆ کەسێکی وەک عامری نەک هەر پێویست نەبوو بەڵکو دەبوو لە ئەنجامی کۆبونەوەی داخراوەکەیان کە زانرا ئەم فاشیستە ئەوە ڕاو نیەتیەتی نەدەبوو چاوپێکەوتنی ڕۆژنامەوانی بۆ ساز بکرایە یان دەبوو یەکسەر هەر لەوێدا بە مشتە کۆڵەی کوردایەتی وڵامی توندی بدرایەتەوە.
بەڵام ئێمە بە بیستنی ئەو قسانەی عامری یان لێدوانەکانی فەتلاوی نابێت دڵگران بین بەڵکو دەبێت ئاگادار بین کە چیتر بە درۆو ماچ و خوانی ڕازاوەی شیعە باوەڕ نەکەین کە من پێم وایە عامری و فەتلاوی دوو کەسی ڕاستگۆن لە گەڵ سیاسەت و ئایدۆلوژیاو بەرنامەی حزبەکانیان بەرامبەر کورد و گەلەکەمان چونکە بە ڕاشکاوانە قسەکانی ناو ناخیان دەکەن.
دەبێت کورد ئاگادار بێت ئەوەتا لە دوای نزیکەی سێ مانگ چاوشۆڕییان لە بەردەم داعشدا تەنها دوو ناحێیەی وەک ( سلێمان بەگ و ئامرلی ڕزگار کرا) ئەمان بەو شێوەیە قسە دەکەن، ئەگەر بێت تەواوی وڵات بکەوێتەوە ژێر دەسەڵاتیانەوە دەبێت چی بکەن!
من وای دەبینم لە دوای ڕزگارکردنی سنورەکانی هەرێمی کوردستان هەقە هێزی پێشمەرگە کوردستان بۆ گرتنەوەی یەک بستی تر هاوکاری هێزی شیعە نەکات.
وە پیویستە کاربەدەستانی پارێزگای کەرکوک وڵامیان بۆ عامری هەبێت و جارێکی تر بە هیچ پاساوێک ڕێگە نەدەن هیچ تاغوتێک لە ناو خاک و نیشتمانی کورداندا بێڕێزی بە کورد و لەشکری کورد بکەن!.

ساڵح قەیتوولی

 

 

 

Share