Red Purple Black
Kurdistanigawre@gmail.com
دوز خورماتوو لەجیەوەهاتووە ..چاوبیكەوتن لەكەل شەكرمجید

shakra_majedجاوبیكەوتن لەكەل شەكرمجید
س1   -دوز خورماتوو لەجیەوەهاتووە
- بەراستی خورماتوو – یەكێكە لەو شارانەی دەڤەری گەرمیان كە دەتوانێ شانازی بە مێژووی زێندووی خۆیەوە بكات . گەڵك جار داگیر كەران هەوڵی گۆڕینی سدا و سیمای شارەكەیان داوە بەڵام خۆڕاگری خەڵكەكەی نەیهێشتووە لە سیمای ئەو ڕابردووە كاڵ بێتەوە سەبارەت بە ناوەكەی (د.كمال مەزهەر)لەو كتێبەیدا كە بە ناوی (كەركوك و دەرو بەرە كەی و حوكمی و یژدان و مێژوو)تیایدا دەڵێت :خورماتوو لە ڕووی زمانەوانیەوە وشەیەكی نا سادەی لێكدراوە لە دوو بەش پێكدێت :
- وشەی (خۆر)واتە خورییەكان 
- وشەی (ماتوو)لە زمان ئەكەدیدا بە واتای شار دێت (شاری خورییەكان)خورییەكان دەسەڵاتی وڵاتی ئاشورییان بۆ ماوەی سەدەیەك بە دەستەوە بوو .شارەكانی دەوروبەری كەركوكیان دامەزراند ,یەكێك لەوانە "خورماتوو" كە تاكو ئەمڕۆ هەر بەو ناوەوە ماوە . ئەمشارە لە ساڵی 1951 لە لایەن حكومەتی ئەو كاتەی عێراقەوە كراوە بە قەزا و تا ساڵی 1976 سەر بە پارێزگای كەركوك بووە .هەر لە هەمان ساڵدا خستیە سەر پارێزگای تكریت و ناوەكەشی تعریب كرد بۆ (گوز)


پ2/   بە بەراورد لە گەڵ سەردەمی ڕژێمی بەعس چ گەشەكردنێك لە دەڤەری دوز خورماتو بە دی هاتووە؟


- بەڵی هەندێك ۆڕانكاری بەدی دەكرێت . بەڵام ئەو گۆڕانكارییانە وەكو پێویست نین . لە ڕووی سیاسیەوە ئازادی هەیە خەڵكی دەتوانن كاری سیاسی بكەن و ژمارەیەك پارتی سیاسی لە خورماتوو دا بوونیان هەیە بەڵام زهنیەتی خۆ بە خاوەن زانینی شارو بەبێگانەی سەیر كردنی پارەتەكانی تر لە لایەن چەند حزبێكەوە بەردەوامە . لە ڕووی ئابوورییەوە . بەڕاستی ژیانی خەڵك بە تایبەت فەرمانبەران گۆڕانی بەسەردا هاتووە . لە ڕووی پەروەردەشەوە ئەگەر چی خوێندنی زمانی كوردی هەیە بەڵام كەمو كوڕی هەیە وەكو پێویست گرفتەكان چارەسەر نەكراون . لە ڕوی ڕۆشنبیریشەوە ئەگەر چی ئێستا ئازادی هەیە و هەر كەس دەتوانێت گوزارشت لە بیرو بۆچونی خۆی بكات و ژمارەیەك ڕۆژنامە و گۆڤار دەگەنە ئەمشارە بەڵام ئەوەی كە پێویستە هەوڵوستەی لەسەر بكەم ئەوەیە كە بزاڤی ڕۆشنبیری لەمشارە وەكو پێویست لە گەشەكردندا نیە . تاكو ئێستا هیچ دەزگایەكی ڕۆشنبیری كە بتوانێ‌ ببێتە ماڵێك بۆ كۆكردنەوەی ڕۆشنبیران لە مشارەدا نیە هەر چەند ناو بە ناو كۆڕو سمینار ساز دەكرێت. لە ڕووی خزمەتگوزاریشەوە چەند پرۆژەیەك ئەنجامدراوە بەڵام خورماتوو پێویستی بە پرۆژەی زیاتر هەیە . لە ڕووی تەندروستیشەوە بە هەمان شێوە .


پ3/    ڕەوشی ئافرەت لە دەڤەری دووز چۆنە؟
- لای ئێمە وا باوە و وا لە سەری ڕاهاتووین هەموو كات ژنان و كچان لە بەڕێوەبردن و خزمەتكردنی ماڵ ومێواندا ڕۆڵ بگێڕن . جا ئەگەر ئەو ژنە لە دەرەوەی ماڵدا بە كارێكەوە سەرقاڵ بێت یان لە فارمانگەیەكدا هاوشانی پیاوان كار بكات ئەمە خۆی لە خۆیدا ئەركێكی گرانە و دوو هێندەی تر كارەكانی گرانتر دەكات .ئەوەی جێگەی سەرنجە ئەوەیە بۆ چی پیاوانی ئەم كۆمەڵگایە دیارە كە دەڵێم پیاوانی كۆمەڵگا مەبەستم زۆرینەی پیاوانە نەك هەموویان بەشدار نابن لەو كار و خزمەتەی لە چوار چێوەی مالدا ئەنجام دەدرێت لە كاتێكدا ژنان و كچانی ئێمە لە سوچێكی ژوورەكەدا بە بێدەنگی دادەنیشین زۆر جاریش بۆیان نیە ڕاو بۆ چوونیان هەبێت تەنانەت زۆر جاریش ژنانی ئێمە ئامادەبوونیان لە دانیشتنەكاندا پێ ڕەوا نابینرێت لە كاتی پێشكەش كردنی پەرداخێك شەربەت لەو دیو دەرگای ژوورەكانەوە لێیان وەردەگرن و ناهێڵن بێنە پێشەوە وە تێكەڵ بە مێوانەكان . بۆیە پێویستە پیاوان هەست بەو خزمەتە بەردەوام و بێ بەرامبەرەی ژنان بكەن كە بە دەگمەن گوێمان لە دەستخۆشییەك دەبێت لە لایەن ئەوانەوە لە بەرامبەر ئەوەشدا ژنان هەمیشە بە دڵێكی فراوانەوە بە خەندەوە خزمەت دەكەن . لەمەوە بۆ مان دەردەكەویت ژن چەندە گەورە و گرنگە . جگە لەمانەش سیتەمی پیاو سالاری هەمیشە ڕێگرە لە بەردەم ئەو پێشەوە چوونانە كە ڕەوڕەوەی ژیان هەنگاوی بۆ دەنێت .


پ4/     ئێوە وەكو چالاكوانێكی بواری ئافرەتان چیتان بۆ ئافرەت كردووە؟


- من وەكو خۆم جگە لەوەی بە نووسینی چەندین بابەتی جۆراوجۆر و بڵاوكردنەوەیان لە ڕۆژنامە و گۆڤارەكان داكۆكی لە مافەكانی ژنان دەكەم . كاتێكیش كە بەڕێژەی خورماتوو T.V بووم بە هەمان تێزەوە كارم دەكرد بەراستی من پێم وایە ڕێكخراوەكانی كۆمەڵگای مەدەنی و ئەوانەی كە تایبەتن بە كارو باری ژنان بۆ بەرو پێشبردنی كۆمەڵگا و خزمەتی ژنان دورست بوونە وە ڕنگە هەندێكیان ئیمانیان بەوە نەبێت . بەڕاستی هەندێكیشیان لەو ڕوەوە ڕۆلی هەرە ئەكتیڤ و كارا دەگێڕن لە هوشیار كردنەوە و خزمەتكردنی ژیاندا . شتێكی دڵخۆشیش هەیە كە گەنجانن پێویستە بهێنرێنە ناو گۆڕەپان بۆ ئەم ئیشكردنە , لێرەدابە تەمەن نا تەنیا بە ڵكو ئەوانەی كە بیركردنەوەیان گەنجانەیە . من پێم وایە كەسی شیاو لە شوێنی شیاو دا بنرێت و چاكسازی لە ڕێكخراوەكانیش بكرێت و خۆیان تەقیمی خۆیان بكەن ئاخۆ لە ڕووی چەندەییەوە چیان كردووە ؟ یان ئایا بوونەتە هۆی كاریگەری پێشەوە چوون لەگەڵ ئەوەی پانتاییەكی زۆری كاریان داگیر كردووە . هەست بە بەرپرسیارتی كردن خزمەت بە ژنان دەكات .


پ5/ كێشەی قەیرەیی كچی چۆن چارەسەر دەكرێت؟ئایا فرە ژنی چارەیە


- قەیرەی بریتیە لە تەجاوزی تەمەنی كچ یان كۆڕ لە تەمەنی ئاسایی خۆی و مانەوەی و دەركەوتنی نیشانەكانی پیری لە ڕۆخساری ئەو كەسەدا وە تەمەنی لە دەست دەچێ كە تازە توانای شوكردن و ماڵ و منداڵ بەڕێوەبردنی هۆكار گەڵێك هەن دەبنە هۆی دروست بوونی لەوانە گەورە بە بچووك یا بە منداڵی مارەكردن لە گەڵ چەند هۆیەكی تر , سەبارەت بە چارەسەركردنی ئەم دیاردەیە پێویستە كەسی قەیرە هانبدرێتبۆ شوكردن و دەبێت سولفەی زەواج بۆ هەر قەیرەیەك دیاری بكرێت كە شووی كرد . جگە لەمەش دەبێت لە لایەن خێزانەوە ڕێگریان لێ نەكرێت.ئەم دیاردەیە چارەسەر دەكرێت بە ئامۆژگاریكردنی كەسی قەیرە یا هەر كەسێك لە منداڵیەوە دەبێت ئازاد بێت لە هەموو كار و فەرمانێكدا بە مەرجێ زەرەری بۆ كۆمەڵ و نیشتمان نەبێت . لێرەوە داوا لە هەموو برا بەڕێزەكان دەكەم با خۆیان هەوڵبدەن هاوسەر بۆ خۆیان پەیدا بكەن و خوشكەكانیان نەكەن بە قوربانی خۆیان .

پ6/     پرۆژەی دەركردنی گۆڤاری حەمرین چۆن گەڵالە بو ؟


- بەڕاستی لە دوای پرۆسەی ئازادییەوە لە گەڵ چەند برادەرێكی تردا بۆ ئەوەی كوردستانی بوونی شاری خورماتوو بسەلمێنین و ئەو شارە بە تەواوی كوردستانی بناسێنین . جگە لەوەش لە بواری ڕۆشنبیریشدا هەستمان بە بۆشاییەك دەكرد بۆیە بیرمان لە دەرچونی گۆڤارێكی مانگانە كردەوە . خۆشبەختانە حەمرینی لێ هاتە بەرهەم , بەڕاستی حەمرین لە سەرەتاوە وەكو مینبەرێكی ئازاد هاتە مەیدانی ڕۆژنامەگەری و چەندین ڕێگای هەورازو نشێوی بڕی , بۆ ئەمەش پشتمان بە چەندین نووسەر و ڕۆژنامە نووسێكی خاوەن ئەزموون بەست و دڵنیاشم حەمرین كاتێك سەركەوتوو دەبێت كە هاریكاری هەموو نووسەرانی شاری خورماتووی لە گەڵدا بێت و ئومێدەوارم گۆڤارەكەمان جێگەی ستایش و ڕەزامەندی خەڵك بێت .


پ7/     ئایا دەڤەری كێشە لەسەركان بە ئاسانی دەگەڕێنەوە هەرێمی كوردستان ؟


- بەڕاستی كێشەی شاری خورماتوو كەركوك و ناوچەكانی تریش یەكێكە لەو كیشە سەرەكییانە كە لە گەڵ دروستبوونی دەوڵەتی عێراقەوە تاكو ئێستا خاڵی ناكۆكییە لە نێوان بزوتنەوەی كوردی و حكومەتی مەركەزیدا بەردەوام لە بازنەی چارەسەر نەكردندا دەخولێنەوە . ئەگەر ئێمە سەیری دەسەڵاتی كوردی بكەین لەم ناوچانەدا و لە دوای پرۆسەی ئازادییەوە ئەو ڕاستیەمان بەر چاو دەكەوێت كە كەمایەتی عەرەب و توركمان لەم ناوچانە یا لە هەر جیگایەكی تری كوردستان بوونیان بە گەورە یان بچووك هەبێت بەڕاستی ئەو بوونەیان نەخراوەتە مەترسی هەڕەشەی توانەوە لە لایەن دەسەڵاتی كورجییەوە سەركردە كوردەكان هەمیشە جەختیان لەوە كردووە حەقێكی سەڵمێنراوی مرۆڤانەمانە بتوانین لە گەڵ كەمایەتیەكان وەكو برا بژین. ئەڵیەتە ئێمە بەنەخشە و پلانی ستراتیژی درێژخایەن بۆ خزمەتكردن شەو ڕۆژ پێكەوە گرێ بدەین و ئاسایش بۆ ئەم ناوچانە دابین بكەەین خۆ ڕەنگە ئەمە بەلای هەندێكمانەوە خەیاڵ بێت . بەڵا/ باوەڕ بكەن جگە لە جێبەجێكردنی مادەی 140 بە كار كردنی جدی خەیاڵ دەبێتە ڕاستی باوەڕپێكراوی كارەكان گەواهی بۆ دەدەن . ئا بەم شێوەیە دەتوانێت ئیدارەی ئەم ناوچانە بگەڕێنینەوە سەر كوردستان .
پ8/ چەند شوێنەواری تەعریب و تەبعیس لە دەڤەرەكەتان پێش چاو دەكەوێت ؟


- بەڕاستی خورماتوو شارێكی كشتوكاڵی كوردستانە و زۆربەی دانیشتوانەكەشی كوردن . لەم چەند دەیەی پێشودا بەمەبستی پاكتاوكردنی نەژدای كورد و بە عەرەبكردنی ناوچەكە لە شار و شارۆچكەكانی تری عێراقەوە عەرەبی هاوردەی بۆ هێنراوە . بەڕاستی ئەگەر لە جیاتی بیرە نەوتەكانی سەرتاپا بیبانێكی بێ ئاو بوایە ئەوا ئەم عەرەبه هاوردانە كا تاكو ئێستاش بوونی هەندێك لە نەتەوەی عەرەب لەم سنورەدا دەگەڕێتەوە بۆ بەر شاڵاوی تەعریب . دەبێت ئەوەش لە یاد نەكەین كە لە مێژە پێكهاتەكانی كورد و توركمان و عەرەبە ڕەسەنەكان وەكو برا لەم شارەدا دەژین . جگە لە شوێنەواری تەعریب كاتێكیش كە لە مانگی موحەڕەمدا دەچێتە نێو شاری خورماتوو لە نێو بازاڕ و كۆڵان و شوێنە گشتیەكاندا دەیان پۆستەری ئیمام و كەسایەتی شیعە هەڵوسراون . بەڕاستی وەكو پێویست سێما كوردستانی بوون لەم شاردا بە دی دەكرێت .


پ9/    خۆتان زیاتر لە چ بابەتێك دەنووسن؟


- بەڕاستی من لە سەرەتای (2005)ەوە بۆ ئەوەی بتوانم ستراكتۆری ڕۆشنبیری كوردیم پێك بهێنم بە بڵاوكردنەوەی چەند بابەتێكی سادە دەستم پێكرد . بەڕاستی ئەمە جێگە خۆشحاڵیمە لە دوای پرۆسەی ئازادییەوە هەموو لایەنەكانی ڕۆشنبیری بە شێوەیەك نەش و نمایان كرد ئەتوانم بڵێم فەزایەك تاڕادەیك ئازادی خوڵقاوە كە بە هۆیەوە چەندین ڕۆژنامە و گۆڤار و كەناڵی تەلەفزیونی هاتونەتە كایە . من لە بواری ڕۆژنامە نووسیدا كاردەكەم هەر چەند لە ڕووی ئەركیشەوە قورسترین ئەركە و تاڕادەیەك سەر ئێشەیە بەڵام بۆ ئەوەی بتوانم دیاردە ناشرینەكان بخەمە ڕوو چونكە ئەمڕۆ بواری ڕۆژنامەگەری دەرفەتێكی باشی خوڵقاندووە بۆ دەربڕینی ڕای خەڵك خوازیاریشم ژنانی ئەم دەڤەرە بتوانن ئەو تەوقەی كە كۆمەڵگای پاشكەوتوو لەملی كردوون بیشكێنن و لە بواری ڕۆژنامە گەریدا خزمەت بكەن.


پ10/   هەستی كوردایەتی لە دەڤەری دووز چونە ؟


- بەڕاستی خەڵكی شاری خورماتوو مێژوویەكی مەزنی هەیە لە كاروانی بەرەنگار بوونەوەی دوژمنان و قوربانیدان دەتوانم بڵێم ڕۆڵەكانی ئەمشارە هەمیشە و بەردەوام و لە هەموو قۆناغێكدا لە ئامادە باشیدا بوونە بۆهەر ئەركێكی نیشتمانی و بەردەوام بوونە لەسەر ڕێبازی كوردایەتی . بەڵگەش بۆ ئەوە لەڕاپەڕینە جەماوەریەكەی بە هاری 1991 بۆ ئازادی شارەكە خۆیان كرد قوربانی و دوای ڕاپەڕینیش خەڵكی ژیانی ئاوارەییان پێب اشتر بوو تا لەوەی لە بن چەپۆكی بەعسدا بژین . ئەوە بو لە شارەكانی تری كوردستاندا ژیانیان دەگوزەراند بەراستی هەستی كوردایەتی لەمشارەدا زۆر بە هێزە چونكە تاكو لە ناو چوونی ڕژێمی سەدام دەسەڵاتی ناوەندی زاڵ بوو بەسەر ناوچەكەدا . ئەمەش وایكردووە كە هەستی نەتەوایەتی لە لای تاكی ەم شارە كاڵ نەبێتەوە.


پ11/  چ زانیارییت لە سەر چیای حەمرین هەیە لە بواری جوگرافی و مێژوییەوە؟


- حەمرین ... یەكێكە لە زنجیرە چیاكانی دەڤەری گەرمیان و دەتوانین شانازی بە مێژووی زێندووی خۆیەوە بكات چەندین داگیر كەر هاتن و تێپەڕین نەیاتوانی ناوی حەمرین كە بە بووكی خورماتوو ناسراوە بگۆڕنەوە شتێكی تر ئەم زنجیرە چیایە دەكەوێتەوە نێوان كەركوك و بە غداد و زۆربەی كاروانە بازرگانیەكان بەم چیایەدا گوزەریان كردووە . گەلچێك جار داگیر كەران هەوڵی گۆڕینی سدا و سیمای چیاكەیان داوە بەڵام خۆڕاگری خەڵكی سنورەكە نەیهێشتووە لە سیمای ئەو ڕابردووە كاڵ بێتەوە . ئەمسنورەش وەكو ناوچە دابڕاوەكانی تر كەوتە بەر شاڵاوی تەعریب . بەعس لەم هەنگاوەیدا جگە لە تەعریب كردنی سنورەكە مەبەستێكی دیكەش لە پاڵدا هەبوو ئەویش چاندنی تۆی ناكۆكی بوو لە نێوان كورد و عەرەبدا كە تاكو ئێستاش بەو دەردەوە دەتلێتەوە . بۆیە ئەركی هەنوكەیی سەركردایەتی سیاسی كورد و ڕۆشنبیران و میدایاكان ئەوەیە هەوڵەكانیان لە پێناو جێبەجێكردنی مادەی 140 بخەنە گەر ئێمەش وەكو خەڵكی شاری خورماتوو شانازی بە مێژووی چیای حەمرینەوە دەكەین .
پ13/    چ پرۆژەیەكتان بۆ بواری نەتەوەیی و هەیە لە دەڤەرەكەتان ؟
- بەڕاستی لە گشت بوارێكدا ژنانی ئەمسنورە گەشەكردنێكی باشیان بە خۆوە دیتوە ئێمەش ئەوە دەزانین كە ژنان لە كۆمەڵگایەكی كوردیدا هێزێكی كۆمەڵایەتی گەورەیە بۆیە ئەگەر لە ڕووی ئامارەوە بەراوردێك بكەین ژن لە پیاو كەمترە نیە . بەڕاتی تۆ هۆشیار كردنەوەی ژناننی ئەمسنورە و ئاراستە كردنیان بە شێوازێكی سەردەمیانە من وەكو خۆم هەوڵمداوە هێز و توانای خۆم پیشان بدەم و بڵێین ئێمەیی ژنانیش هەین و دەتوانین لە گشت بوارێكدا و تەنانەت لە بواری حزبی و ڕێكخراوەیشدا بوونمان هەبێت . لە لایەكی تریشەوە دەبێت ئەوە بزانین ژن كە هاتی مەیدانی كاركردن دەبێت چاوەڕاوانی زەبری پیاوی سالاری تیر و توانجی كەسانی تر بێتەوە سەرباری ئاستەنگەكانی تر لە گەڵ ئەمانەشدا بەردەوام هەندێك لە هەوڵی پێشەوە چووندان بە بڕوای من دەبێت لەم سنورەدا ئەو كۆت و بەندە نەهێڵرێت و پشتكترین كە ڕێگا لە هەنگاوەكانی ژنان دەگرن, ئەمجا پرۆژەكان چ نەتەوەیی بن یا ئەوانەی تایبتن بە خودی ژنانەوە لە دایك ببن.
پ14/ تا چەند بڕوا تبە ئازادی هەیە ؟ ئایا لە گەڵ ئازادی بێ سنوردای ؟


- لە هەموو وڵاتێك یاسا تیایدا باڵا دەست بێت هەر هاوڵاتیەك لە ناو لانكەوە بۆ پیر ترینیان لە كوڕ و كچانی سەرۆكەوە بۆ منداڵی فڕێدراوی باوك نەزانراو و بۆ بێكەس ترینیان هەموو لە ماف و ئەرك دا یەكسانن دەبێت خەڵك بە دڵی خۆی بپرسیت و بزانێت و بخوێنێتەوە لە كۆێوە دێت و بۆ كوێ دەڕوات . من دەتوانم بڵێم هەموو ئەمانە لە وڵاتی ئێمەدا بوونیان هەیە خەڵكی ئازادە لە دەر بڕینی ڕاو بۆچوونی خۆی لە گەڵ ئەوەشدا دەبێت ئازادییەكان سنوردار بن نەوەكو لە چوار چێوەی یاسا دەربچن . ئەگەر وابێت ئەوا دەبێتە فەوزا و بەرەڵایی . بەڕاستی لە هەندێك وڵاتدا لە جیاتی ئەوەی سولاحی سەر دانەنوێنی پیاڵە تیاكا بۆی , دەبێت پیاڵە بەكڕنۆۆشەوە داچەقێتەوە بۆ سوراحییەكە تا قورگی تەڕ كات بە ئاوە گەورەكەی , لەو وڵاتانەدا چارەنووسی ژیان , ساڵی تەمەن, مەكرمەی دیموكراسی هەموو لە چنگی دەسەڵاتدایە . بەراستی ئێمە دەبێت ڕێز لەم ئازادییە بگرین كە باڵی بەسەر كوردستاندا كێشاوە .
پ15/  ترك


پ16/    پەیوەندیتان لەگەڵ ناوچەكانی تری هەرێم چۆنە , ئایا گۆڤارەكەتان دەگاتە هەموو شوێنێكی , وئەم گۆڤارە هەموو ئامانجەكنتان دەپێكێت ؟


- بەڕاستی خورماتوو لە ڕووی ئیدارییەوە سەر بە پارێزگای تكریتە و لە چوار چێوەی سنوری جوگرافیایی كوردستاندایە ئەڵبەتە تاكو ئێستاش كێشەی ئیداری یەكلا نەكراوەتەوە . هەر بەو بیانووە پرۆژەی خزمەتگوزاری وەكو پێویست بۆ ئەنجام نادرێت .بەڕاستی خەڵكەكەی كەوتوتە نێوان دوو بەرداشەوە هەر چەندە لە ڕاگەیاندنەكاندا بانگەشەی گەڕانەوەی ئیداری شار و جێبەجێكردنی مادەی 140 دەكرێت بەڵام لە ڕووی كردارییەوە وەكو پێویست هەنگاوی بۆ نەنراوە لە گەڵ ئەوەشدا حكومەتی هەرێمی كوردستان پرۆژە گەڵێكی بۆ ئەمشارە ئەنجامداوە وە دەتوانم بڵێم بە یەك چاو سەیری دەكات لەگەڵ شارەكانی تری كوردستاندا بە ڕاستی ئەمەش جێگەی خۆشحاڵی خەڵكی شارەكەیە . سەبارەت بە گۆڤارەكەمان , بەڵی دەگاتە زۆربەی شارەكانی تری كوردستان چونكە ئەوە دەزانین سیستەمی دابەشردنی بەرامبەر گشت ماندوو بوونەك ڕۆڵ و گرنگی خۆی هەیە دواتر ناتوانم بڵێم هەموو ئامانجمانی پێكاوە . ئامانجمانیشمان خزمەتكردنی سەرجەم چین و توێژەكانی كۆمەڵگایە بە هەموو پێكهاتەكانیەوە بە ڕاستی گۆڤارەكەمان بە قۆناغێكی سەخت و دژواردا تێپەڕیوە ئامانجی سەرەكیشمان ئەوەیە لە رشێگەی ئەم گۆڤارەوە بتوانین كوردستانی بوونی شارەكەمان بسەلمێین و ببینە مینبەرێك بۆ پێكەوە ژیانی هەموو پێكهاتەكان لەمشارەدا .


پ17/   ڕێژەی تەڵاق لە دەڤەرەكەتان چۆنە ؟ ئێوە چ هەنگاوێك لەم بوارە وە دەنێن ؟
- بەڕاست دیاردەی تەڵاق و جیا بوونەوە یەكێكە لە كێشە كۆمەڵایتەكان كە لە نێو كۆمەڵگای ئێمەدا بە ئاكارێكی ناموۆ و ناشرین و ئاڵوز لێكدانەوەی بۆ دەكرێ لە هەر كۆمەڵگایەكدا سیستەمی ئابوری و كۆمەڵایەتی وابەستەی و لێكئالانێكی نەپچڕاویان بەیەكەوە هەیە . بۆیە زۆرێك دەڵێت بڵاو بوونەوەی هوشیاری كۆمەڵایەتی كاریگەری ڕاستەوخۆی هەیە لە سەر سیستەمی ئابوری و سیاسی و پێشكەوتنی كۆمەڵگا دیاردەی تەڵاقیش دیارە لایەنی باش و خەراپی هەیە بە ڕاستی ئەم دیاردەیە ساڵ لە دوای ساڵ لە زیاد بووندایە حاڵەتەكانی تەڵاق یا هۆكارەكانی زۆرن لە نێو ئەوانەدا زۆرە كە لە ڕێگەی سیستەمی باوكسالارییەوە ژیانی هاوسەرێتی پێكدەنێت یا لە ڕێگەی ژن بە ژنەوە زەواجیان كردووە . بەڕاستی ڕێكخراوەكانی هوشیاركردنەوەی ژنان و دەسەلاتیش لەم ڕوەوە دەتوانن لە ڕێگەی جۆراو جۆرەوە هەوڵبدەن بۆ نەهێشتنی دیاردەی تەڵاق و جیا بوونەوەی یا هیچ نەبێت كەمكردنەوەی .

پرۆفایل
ناو / شەكر مەجید عەلی
دەرچووی كۆلێژی یاسایە , چالاكوان لە ڕاگەیاندن و سیاسەت‌ سەرنووسەر و خاوەن امتیازی گۆڤاری حەمرین ,
چەندین بابەتی مێژووی و كۆمەڵایەتی و سیاسی بڵاوكردوتەوە لە ڕۆژنامە و گۆڤارەكاندا , دوو جار هەوڵی تیرۆركردنی دراووە , بۆ ماوەی چوار ساڵ بەڕوەبەری تەلەفزیونی لۆكاڵی خورماتوو بووە ,
دانیشتووی شاری خورماتووە زیاتر لە 50 سالە لەو شارە نیشتەجێن

 


 

شەكر مەجید عەلی

Share