Red Purple Black
Kurdistanigawre@gmail.com
رەشنووسی پەیڕەوی ناوخۆی فیدراسیۆنی رێكخراوەكانی بواری منداڵان

fidraswen mndalan

ئاگادارییەك بۆ هاوڕێیان
رەشنووسی پەیڕەوی ناوخۆی فیدراسیۆنی رێكخراوەكانی بواری منداڵان

لە 11\9 بۆ یەكەمجار لیژنەی نووسینەوەی پەیڕەو و پرۆگرامی فیدراسیۆن كۆبۆوە، كە بریتی بوون لە 7 كەس و بیرورایان گۆڕییەوە، ئەمەی خوارەوەی لێبەرهەمهات، هەروەها ئەمڕۆ 15\9\ بۆ دووەمجار لیژنەكە كۆبووە، وا بڕیارە 19\9 بۆ جاری سێیەم كۆبێتەوە، بۆ ئەوەی بگاتە درەنجامی كۆتایی لەسەر رەشنووسی پەیڕەوەكە بۆ ئەوەی دواتر ئاراستەی رێكخراوەكان بكرێت و ئامادەكاری بۆ كۆنگرە بكرێ.
ئەمە دەقی رەشنووسەكەیە، داوا لە هاوڕێیان دەكەم هەر سەرنج و تێبینی و پێشنیارێكیان هەیە، بە نامە و تێل و كۆمێنت بۆم بنووسن.
هاوكاریتان جێگەی رێز و پێزانینە
فەرەیدون بێوار، ئەندامی لیژنەی نووسینەوەی پەیڕەو و پرۆگرامی فیدراسیۆن.

ناوی فیدراسیۆن:
فیدراسیۆنی رێكخراوكانی بواری منداڵان
پێناسەی فیدراسیۆن:
فیدراسیۆنێكی ناحكومیی مەدەنییە، لەسەرجەم ئەو رێكخراو و كۆمەڵە و سەنتەر و گروپەكانە پێكهاتووە، كەتایبەتن بە منداڵان، یان بەشێك لە كارەكانیان پەیوەستە بە منداڵانەوە.
شوێنگەی فیدراسیۆن:
ئۆفیسی سەرەكی لە هەولێری پایتەخت دەبێ، بەڵام بۆی هەیە نوێنەر لە ئاستی پارێزگاكان و وڵاتانی دەروە دیاری بكات.
دروشمی فیدراسیۆن:
1: ماف، داكۆكی، رۆژێكی گەش.
لۆگۆی فیدراسیۆن:
................
دەستەی گشتی فیدراسیۆن:
دەستەی گشتی فیدراسیۆن، لەسەرجەم ئەو رێكخراو و كۆمەڵە و سەنتەر و گروپانە پێكدێ كە ئەندامی فیدراسیۆنن.
ئەرك و دەسەڵاتەكانی دەستەی گشتی فیدراسیۆن:
1: شەش مانگ جارێك كۆدەبێتەوە.
2: پەسەند كردن یان رەتكردنەوەی راپۆرتی كاروچالاكی و پلانی بەشەكان و نوێنەرەكان.
3: مافی تانەدانی لەبڕیار و راسپاردەكانی سەرۆك و دەستەی كارگێڕی هەیە.
4: هەموو ئەندامێك مافی راپۆرت خوێندنەوەی هەیە تایبەت بە رێكخراوەكەی خۆی.
5: كەسی بەشدار بوو، دەبێ سەرۆكی رێكخراو یان دەستەی كارگێڕی بێ.
6: راسپاردە و بڕیارەكانی پابەندییە بۆ دەستەی كارگێڕی.
7: سەرۆكی فیدراسیۆن سەرپەرشتی كۆبوونەوەكە دەكات.
8: پلان و ستراتیژی 6 مانگی فیدراسیۆن دادەرێژێت.
9: بە دەنگی نیوە+یەك بۆی هەیە لە كاتی پێویست كۆبێتەوە.
10: بە دەنگی نیوە+یەك بڕیار و راسپارەدەكان پەسەند دەكات.
11: كاتی بەستنی كۆنگرە دیاری دەكات.

دەسەڵاتەكانی سەرۆك:
1: نوێنەرایەتی مەعنەوی فیدراسیۆن دەكات لە دام و دەزگا حكومی و ناحكومییەكان
2: واژوو لەسەر تەواوی نووسراوەكانی فیدراسیۆن دەكات.
(لەسەر دەسەڵاتەكان راجیایی هەبوو، قسەی لە بارەوە نەكرا و دواخرا بۆ كۆبوونەوە رۆزی جوارشەمە)

دەستەی كارگێڕی:
1: سەرۆكی فیدراسیۆن.
2: بەرپرسی بەشی گاركێڕی.
3: بەرپرسی بەشی دارایی.
4: بەرپرسی بەشی پەیوەندییەكان.
5: بەرپرسی بەشی راگەیاندن
6: لەگەڵ نوێنەری پارێزگاكان
6: لەگەڵ 2 یەدەگ.
ئەرك و دەسەڵاتەكانی دەستەی كارگێڕی:
1: مانگانە جارێك كۆدەبێتەوە.
2: مافی وەرگرتنی ئەندام و لادانی هەیە.
3: مافی دەركردنی بەیاننامە و پێشنیارنامەی هەیە.
4: بەدەنگی 50+1 بۆی هەیە لە كاتی پێویست كۆبێتەوە.
5: ئەگەر هەر ئەندامێكی دەستەی كارگێڕی، ئامادەی 3 كۆبوونەوەنەبێ بەبێ پاساو، مافی هەڵپەساردنی ئەندامێتی هەیە.
6: سەرجەم بڕیارەكان بە دەنگدان دەبێ بەرێژەی نیوە+یەك.
7: وتەبێژی فیدراسیۆن دیاری دەكات.
8: دەسەڵاتی سزادانی هەیە، بەپێی ئەو بڕگانەی لە بەشی سزاكان ئاماژەی پێكراوە.
9: لە كۆبوونەوی یەكەمی دوای كۆنگرە، بە دەنگی 2\3 سەرۆكی فیدراسیۆن هەڵدەبژێرێت.

مەرجی ئەندامێتی:
1: A: ئەو رێكخراو و كۆمەڵە و سەنتەر و گروپانەی كە تایبەت بە مناڵان لە خوارووی تەمەنی 18 ساڵییەوە.
B: ئەو رێكخراو و كۆمەڵە و سەنتەر و گروپانەی كە بەشێك لە كار و خزمەتگوزارییەكانیان تایبەتە بە مندڵان.
2: چ لەناو هەرێمی كوردستان یان لەدەرەوەبێ مافی ئەندامێتی هەیە، بەمەرجێك تایبەت بە مناڵانی كوردستانی بێ.
3: دەبێ مۆڵەتی فەرمی هەبێ.
4: داوایەكی فەرمی پێشكەش بە فیدراسیۆن بكات لەگەڵ تەواوی دیكۆمێنتی پێویست.
5: ئابوونەی ئەندامێتی بدات.

مافی ئەندامێتی:
1: مافی خۆكاندید كردنی هەیە بۆ سەرجەم پۆستەكان، جگە لە پۆلێنی B كە تەنیا مافی خۆكاندید كردنی بۆ دەستەی كارگێڕی هەیە.
2: مافی رەخنە گرتن و رادەبڕین و ناڕەزایی هەیە لە ئەدای فیدراسیۆن و بڕیارەكانی دەستەی كارگێڕی.
3: مافی سودمەند بوونی هەیە لە پرۆژە و خزمەتگوزاری و ئیمتیازاتەكانی فیدراسیۆن، مادی یان مەعنەوی.
سزاكان:
A: ئەگەر هەر ئەندامێكی فیدراسیۆن، یان ئەندامانی دەستەی كارگێڕی، یان سەرۆكی فیدراسیۆن، كارێكیان كرد پێچەوانەی بنەماكانی فیدراسیۆن، یان فیدراسیۆنیان بۆ كاری شەخسی بەكارهێنا، ئەو سزا دەدرێ:
1: ئاگادار كردنەوە
2: سڕ كردن
3: دەركردن
B: ئەگەر هەر ئەندامێكی فیدراسیۆن، مۆڵەتی فەرمی لێوەرگیرایەوە، یان هەڵوەشایەوە، یان ئینشیقاقی تێكەوت، لەئەندامێتی دەكەوێت.
C: ئەگەر هەر ئەندامێكی دەستەی كارگێڕی، یان سەرۆكی فیدراسیۆن، تۆمەتبار كرا بە تاوانێك و دواتر بە سەریدا ساغ بۆوە، لە كارگێڕێتی دەكەوێت.

مەرجەكانی خۆ كاندید كردن بۆ سەرۆكی فیدراسیۆن
( لەسەر ئەم بەشەش راجیایی هەبوو، لێرەدا كۆبوونەوەكە كۆتایی هاتوو وابڕیارە، رۆژی چوار شەمە، 19\9\).
1: سەرۆكی رێكخراوێكی تایبەت بە منداڵان بێ لە پۆلێنی A لە مەرجی ئەندامێتی.
2: تۆمەتبار نەكرابێ بە هیچ تاوانێك.
3: تەمەنی لە 25 ساڵ كەمتر نەبێ.
4: دانیشتوی هەرێمی كوردستان بێ.
5: بڕوانامەی لە شەشی ئامادەیی كەمتر نەبێ.

مەرجەكانی خۆ كاندید كردن بۆ دەستەی كارگێڕی:
1: لەرێكخراوەكەی خۆیدا پلەی لە كارگێڕ كەمتر نەبێ.
2: تۆمەتبار نەكرابێ بە هیچ تاوانێك.
3: تەمەنی لە 25 ساڵ كەمتر نەبێ.
4: دانیشتوی هەرێمی كوردستان بێ.
5: بڕوانامەی لە سێی ناوەندی كەمتر نەبێ.

كۆنگرە:
هەر 3 ساڵ جارێك كۆنگرەی فیدراسیۆن دەبەسترێ، بە ئامادەبوونی 2/3ی ئەندامانی. كە باڵاترین دەسەڵاتی هەیە، بەمەرجێك بەشدار بوو پلەی لە كارگێڕ كەمتر نەبێ، كە هەموو رێكخراو و كۆمەڵە و سەنتەر و گروپەكان یەك نوێنەریان دەبێ.
دەسەڵاتەكانی كۆنگرە:
1: پەیڕەو پرۆگرام هەموار دەكاتەوە.
2: هەڵبژاردنی سەرۆك بە دەنگدانی نهێنی.
3: هەڵبژاردنی دەستەی كارگێڕی بە دەنگدانی نهێنی.
4: نوێنەرەكان هەڵدەبژێرێت.
4: هەڵوەشاندنەوەی فیدراسیۆن.
دارایی فیدراسیۆن:
بریتیە لەو منحەیەی كە بە فەرمی لە حكومەتی وەردەگرێ، لەگەڵ ئابوونەی ئەندامان و هاوكاری رێكخراوە خێرخوازی و مەدەنییەكان.
تۆمارەكانی فیدراسیۆن:
فیدراسیۆن ئەم تۆمارانەی دەبێ، كە لە دادنووس تەسدیق كرابێ:
1: تۆماری دارایی.
2: تۆماری ئەندامێتی
3: تۆماری كارگێڕی
4: تۆماری كەل و پەل

ئەرك و ئامانجەكانی فیدراسیۆن:

هۆیەكانی پێكهێنانی فیدراسیۆن:

Share