Red Purple Black
Kurdistanigawre@gmail.com
ئایا دەبێ هێزی پێشمەرگە وەک باسکی بە هێزی گەل رەچاو بکرێ

246470 109772895844065 320112885 nئایا دەبێ هێزی پێشمەرگە وەک باسکی بە هێزی گەل رەچاو بکرێ
یا خۆد ................ ؟؟

بە درێژایی مێژووی مرۆڤایەتی جگە لە چۆنیەتی سەردەم ، هۆکارەکان ، پلانەکان و رادەی زانست و بەشداری گشتی گەل لە گۆرانکاری کۆمەلایەتی دەتوانین بلێین : دوو چەمکی سەرەکی و بنەرەتی لە گۆرانکاری کۆمەلگادا ده‌وریان هه‌یە ، یەکەم بیرو وفکرەی سیاسی و دووهه‌م تۆانای هێزی چەکداری بەو مەرجەی ئەو گورانکاریە لە لایەن دەستی دەرەکی نه‌یێتە ئەنجام و هه‌ر چەن لەو حالەش بۆ سەقام گیر بونی ئەم دوو چەمکە دەوری کاری خۆی هه‌یە ، کە واتە بەم پێیە ئەم دوو چەمکە تەواوکەری یەکن.
لە کۆمەلگای کوردەواری هێزی پاراستن، ناوی پیرۆزی پێشمەرگەی پێ بەخشراوە و بە باسکی بە هێزی گەل ناسراوە بۆ داکۆکی لە ماڤی رەوای گەلی کورد و بە درێژایی مێژوو ئەم هێزە بە لە خۆبردویی و قارەمانیەتی و بەئەمەک بوونی بۆ خاک و نیشتمان حەماسەی بە ناوبانگی خۆلقاندوە و لە بواری پاراستن توشی شکان و نەکسە نەهاتوە بەلام بە داخەوە لە بواری هه‌لەگەلی سیاسی یا خۆد لێک نەدانەوەی واقعەکانی سەردەم بەرەو کزی و نەکسەی بردوە و چون هه‌لقولاوی ناو گەلە و دیسانەوە سەری هه‌داوەتەوە
بویە پێویستە ئاورێکی بەرپرسانە لە هێزی پێشمەرگە بدرێتەوە و بە یەک یا دوو لایەنی سیاسی نەبەسرێتەوە و هه‌م لاوی پێشمەرگە و هه‌م جێگە و پێگەی پێشمەرگایەتی دەبێ رەچاو بگیری ، بە واتای هه‌ر وەک بیری سیاسی جورا جور رۆلەی ئەم خاک و نیشتمانەی لێک دور کردۆەتەوە و دڵنیاشن بە تەنێ لە حەرەکەی گشتی شتیان بۆ ناچێتە سەر ، بە هه‌مان شێوەش هێزی پێشمەرگەش توشی لێک دابران بوە و ....
بە لە بەر چاو گرتنی کات و سات و هه‌ست بە بەرپرسایەتی کردن پێویستە کەم و کوری هه‌ڵەکان بخرێنە بەر چاو و هاوکات پێشنیاری گونجاو ئاراستەی کۆمەلگا بکرێ و بەو پێیە لایەنی سیاسی بە دڵێکی ئاوەلە و بیری رخنەگرانە وەری بگرێت و بە خۆ دا بچێتەوە ، بەرەی نیشتمانی (ناو خۆ ) ی وڵات لە ماوەی زەمەنی هاتنە ئارای هه‌وڵی داوە ئاماژە بە هه‌ریەک لە کەمو کوریەکانی کۆمەلگا بکات و بێ هیچ پاساو دانەوەیەک رخنەگر بێت و هاوکات پێشنیاری خۆی ئاراستەکات ، بە تەنگەوە هاتن یان گوێی لێ کپ کردن لە لایەن ئازیزان ، بەرانبەر بە بەرەی نیشتمانی نییە و لە واقع رۆژێ دەبێ مل کەچی راستیەکان بن و هه‌تا زوتر ئاوری لێ بدرێتەوە بە هه‌مان میزان زووتر وەخۆ هاتون . ئێمە هه‌روا پشو درێژین و درێژە بە ئەرکی خۆمان داوە و لە هیچ شتەیەک سڵ ناکەین .
هه‌ر وەک ئاماژەی پێکرا ، بە داخەوە لە درێژەی سیاسیەتی هه‌ڵە ، لێک هه‌ڵبەزانەوە ، لێک ترازان و ...... ئاکامی شۆرشی خۆێناوی رۆژهه‌ڵات، سەرنجام کێشایە تاراوگە نشینی و ئەگەر روخانی سەدامی بەدوادا نەهاتبا ، وەک ساڵانی پێشو یان تەسلیمی ئێران دەکرانەوە یا خۆد هه‌ر چەن کەسە و لە شارێکی عەرەب نشتەجێ دەکران . ئێستاشی لە گەل بێت بە هۆی لاواز بوونی هه‌ستی نەتەوایەتی و نیشتمانی و نەبونی ستراتیژێکی دیاری و ئاشکرای شۆرشی کورد لە لایەنی سیاسی و هه‌ر وەها بە هۆکاری فکرەی چەوت مەیدانی ئاوەلە بۆ دەس تێوەردانی دەرکی ، لێک دابران بوتە نەریت و بەو پێیە هێزی پێشمەرگە لاواز بوە . بە داخەوە ئەوەی کە لێرە و لەوێ لە سەر تاراوگە نشینی دەیبیستین و دەیبینین و باس دەکرێ لە سەر هه‌مان رێچکەی کۆن هه‌ندێ بەرنامەی راهێنان لە ئارا دایە و نە وڵام دەری زانستەکانی رۆژە بۆ هێزی پێشمەرگە و نە پاراستنی سەربەستیەتی و نە خستنە گەڕی ! بە واتای هه‌روا لە حەلقەی بەستراوی حیزبایەتی قەتیس ماوە و دوا رۆژ ئەلاهو عالەم !!
بەرەی نیشتمانی ( ناو خۆ ) هه‌ر وەک چون بە دانانی پلاتفرمێکی دیاری پێشکەوتن و رزگاری لەیەنی سیاسی لە چەق بەستویی هێناوەتە ئارا بەو پێێەش خاوەنی پلان و بەرنامەی یەک لە داوی یەکی خزمەتگوزاری گەل و نیشتمانە و هێزی پێشمەرگەش وەک چەمکی سەرەکەی لە ناو ئەو بەرنامانەی دایە ، هێزی پێشمەرگەی کورد ، فەرماندەکان و شارەزایان دەبێ بە باشی هه‌ست بەم واقعە بکەن کە لە شۆرشی رزگاری و بەره‌ی نیشتمانی جێگە و پێگەیان دیاری و پارێزراوە ، ئەگینا دەچنە قالبی میلیشیا و ..... ، بویە دەبێ ئەم ئازیزانە لە راوێژی بەجد وە شیاو لە گەڵ بەشی سیاسی رێکخراوەکانیان بیسەلمێنن کە لە بەرەی نیشتمانی دەتوانین به‌ ئامانجی گشتی و سەرەکی بگەین و جگە لەوە هه‌م پێگەی خۆمان نەدوزیوەتەوە هه‌م لە دڵدێر نزیکین
- هێزی پێشمەرگە نابێ لەوە زیاتر لە چوارچێوەیەکی بەستراو قەتیس بکرێ
- هێزی پێشمەرگە نابێ لە رێکخراوی سەربەستی خۆی بە ناوی لەشکری کورد بێبەری بکرێ
- هێزی پێشمەرەگە نابێ لەوە زیاتر لە زانست و تکنولۆژیای سەردەم بێ ئاگا بێت
- هێزێ پێشمەرگە نابێ لە زانستەکانی کلاسیکی و ..... بێ ئاگا بێت و دوا رۆژ بە پێی حوکمی پێویست بون هه‌مان شارەزا کە ئێستا لە خزمەتی حکومەتی داگیر کەر دایە بێتە دەم راستی
- لێژنەی بەرێوەبەری لەشکری کورد دەبێ لە بەرێبەرایەتی بەرەی نیشتمانی خاوەن کورسی بیت و ......
گەلی کورد بە تایبەتی پێشرەوانی سیاسی دەبێ بە باشی ئەم شتە سەرەتایانە بزانن و هه‌ستی پێ بکەن و هه‌ر گیز بە هیچ برو بیانوێک کات بە فیرۆ نەدەن ، کاتێ ئازیزان و بەرێزان لە هه‌ر چین و توێژێکەوە و فکرەیەکی سیاسیەوە چالاکانە ئەندام بونی لە بەرەی نیشتمانی رابگەیەنن و لە پێناو ئازادی و سەربەستی کوردستان بێنە مەیدان ، جگە لە پاڵپشتی هه‌مەگیری گەل کە هێزێکی لە بن نەهاتوە بە خۆ وە دەبینی ، لە ماوەی زۆر کورت سەرنجی دنیا بۆ لای خۆیان رادەکێشێ و رێخوشکەر دەبەن بۆ هه‌ر یەک لەو پلانانەی کە ئاماژەی پێ کرا ، تا ئەو کاتەی ئێوە رۆڵەکانی گەل قیمەت و بایەخ و سونعەی خۆتان نەزانن دوژمنانی گەل هه‌روا بە چاوی سوک سەیرتان دەکەن ، تۆ بزانن هه‌ندێ دەعبای لە تاراوگە نشینی فارس و تورک کە لە قامکی دەس تێناپەرن و لە ناو خەلکی خۆیان هیچ پێگە و سونعەیەکیان نییە چون لێمان دەرشێنەوە ، تۆ بزانن لە باکور چی بە گەلی کورد ناکرێ ٥٥ رۆژ مان گرتن گوێی دنیا کەڕە ، لە سوریە هه‌ر رۆژە و پلانێک لە ئارا دایە ، لە ئێراق عەرەبی رەگەز پەرەست چی دەکات ، لە کاتێک دا گەورەترین نەتەوەی بێ وڵاتین لەم جیهانە دا.
دیارە نکۆڵی لە وە ناکرێ کە هه‌ر هێزێکی سیاسی بەرێزی کوردەواری رێگە خۆش کەری رێژەی زۆری پێشمەرگە و پر چەک کردنی بوە و بە هه‌زاران گیڤاری لێ بەدی کراوە و دەکرێ بەڵام لە هه‌مان کات هه‌ستی نیشتمانی و دڵسۆزی خاک و نیشتمانی لە خوێن و لەشیان دا بوە نابێ و بگرە زوڵمێکی گەورەیە گەر حاشا لەم راستیە بکەین . بێن بە دڵێکی ئاوەڵەوە ، بە هه‌ست کردن بە خۆشەویستی خاک و نیشتمان ، رێز گرتن لە یەک ، بە ئەنجام گەیاندنی ئاواتی لە مێژینەی سەر جەم شەهیدان و بنەمالەی بەرێزیان ، ئاواتی به‌ند کراوەکانمان و .... بە کردەوە بەشداری خۆتان لە بەرەی نیشتمانی رابگەیەنن و مشتێکی پۆڵایی لە دەم دوژمنان و چەواشەکاران بدەن ، ئێوە لە تاکێکی کورد تا سەرکردەیەکان بەرانبەر بە مێژوو بەرانبەر بە خوێنی رژاوی گەل بەرانبەر هه‌ر روداوێکی چاوەنوار نەکراو ، بەرانبەر ...... بەرپرسن . هه‌ست بە بەرپرسایەتیتان بکەن .
ماموستا پەشێو چەن جوان دەفەرمێت :
سەرکەوتن
سەردەکەوین !
چونکە دوێنێ
تۆپە قورێکی دەستکردم
دایە دەس مناڵێکی کورد ،
ئەو ، لە باتی بووکە شووشە ،
تفەنگێکی بچکۆڵانەی لێ دروست کرد !
١٩٧١ کوردستان

هه‌ر بژی یەک ریزی ماڵی کورد
هه‌ر بژی هێزی بەئەمەکی پێشمەرگە
شەکاوە بێت ئالای بە خوێن شەلالی کوردستان
--------------------
تامەزروی هه‌لوێستی شورشگێرانەتانین
بەرەی نیشتمانی رۆژهه‌ڵاتی کوردستان ( ناوخۆ ) ی وڵات
برواری ٠٥ / ١١ / ٢٠١٢

Share