Red Purple Black
Kurdistanigawre@gmail.com
بە بونەی رۆژی جیهانی توندوتیژی بەرانبەر بە ژن

سوتۆپبە بونەی رۆژی جیهانی توندوتیژی بەرانبەر بە ژن

لە سالی ١٩٨١ لە وەها رۆژێکدا بە بونەی کارەساتی دڵتەزێنی کوشتنی سێی خۆشک بە ناوی ( میرابال لە دومنیکەن ) لە کوبونەوەی رۆژی ١٦ ئوکتوبری ١٩٩٩ی نەتەوە یەکگرتوەکان بە رەسمی ئەم رۆژە ناوزەد کرا و هه‌ر سالە بەم بونەیەوە یادی ئەو رۆژە دەکرێتەوە و کۆمەلگای جیهانی و لایەنی سیاسی و رێکخراوی مەدەنی بایکوتی توندوتیژی دژ بە ژنان دەکەن و نارەزایەتی خۆیان دەردەبرن .
هه‌ر چەندە بە یاسا کردنی و بنە بر کردنی ئەم ئاکارە ناپەسەندە لە مەر سیاسەتی زل هێزەکان لە لایەک و نەبونی بەرنامەی یەک ریزی ژنان بە تەواوی نەچەسپاوە و ئاگادارن توندوتیژی بە پێی رێژەی دانشتوان ، فەرهه‌نگ و نەریت ، سیاسەتی زال و .... لە هه‌ر سوچێکی ئەم جیهانە بەردەوام لە ئارادایە و زور بێی بەزەیانە ژن کە نیوەی کۆمەلگایە دەبێتە قوربانی شێوازی جورا و جوری سەرکوت و ....
بەم پێیە دیارە کۆمەلگای کوردەواری جیا لەم رەوتە نییە و بەداخەوە لەگەل قوربانی دانی ژنان بە شێوازگەلی جیاواز ئاوری ئەوتوی لێی نەدراوەتەوە ، ئێمە لامان وایە جگە لەوەی دەبێ بە وردی پێدا چونەوەی لە سەر بکرێ هاوکات هه‌ولی بەردەوام لە بەرگری ماڤەرەواکانی ژن وەک یاسا بدەین و بەم شێوازە لە نەریتی کون داببرێن و کۆمەلگا بەرە رەوتێکی پەسەند هان بدەین و ژن وەک خۆی دەوری کارامەی لەم ئەرکە دا هه‌بێ . ئەمەش گرێ دراوی ئەوەیە کە ژن هه‌ست بەوە بکات . بەداخەوە لە چەندین لاوە ماڤەکانی پاشێل دەرکرێ و بە هێنانە ئارای بەرنامە و پلاتفورمێکی دیاری هه‌ول بدات پلەکان قوناغ بە قوناغ ببرێ و لە خشتەی نەبەن .
لە کاتێک دا کۆمەلگای کوردەواری و خاکی کوردستان دیلی دەسی داگیرکەران بێت ، دیارە داکوکی لە ژن و ماڤەکانی وەک بەشێکی کۆمەلگا و سیاسەتی داگیرکاری بەر بەستە و ناهێلێت ژنی کورد بە ئامانجی گشتی خۆی بگات و وەک ئێستا لە زور جێگە باوە تەنیا لەو رۆژەدا یادی لێی دەکرێ و لەوە زیاتر ناترازێت ، کە واتە دەتوانین بلێن : بۆ گەیشتن بەم ئامانجە پیرۆزە واتە نەهێشتنی توندوتیژی بەندە بە رزگاری نەتەوایەتی و نیشتمانییە و هاوکات لە گەل ئەوە هه‌ر وەک ئاماژەی پێی کرا ژن دەبێ لە خۆ هه‌لواسین بە فکرە و لایەنێکی سیاسی دەرباز بێت و وەک ژن بێتە مەیدان و خۆی لە ماڤە رەواکانی داکوکی بکات و ئەمەش ئەوکاتە دێتە دی کە هه‌ولەکانی لە سەر ئەوە چر کاتەوە کە سەر بەخۆیی ئابوری لە کۆمەلگادا وەدەس بێنی .
لە لایەکی دی بەداخەوە ژنی کورد لە لایەن لایەنی سیاسی ناراستەو خۆ تۆشی پرش بلاوی هاتون بە دەیان ناوی جیاواز و رێکخراوی مەدەنی داکوکی لە ماڤی ژن دەکەن کە سەلیقە سیاسیە جیاوازەکان لە هه‌ندێ جێگەی دژ بە یەک یا خۆد ناتەبا بوون لە گەل یەکیان دەکات !!!
ئێمە لامان وایە و هیوادارین کۆمەلی ژنانی کورد گوێی بیستمان بن کە :


١ – رێگەی رزگاری ژن لە توندوتیژی و وە دەس هێنانی ماڤی رەوایان بەندە بە پەرە پێدانی هه‌ستی نەتەوایەتی و نیشتمانی و سەر بەخۆیی کوردستان .


٢ – ژنی کورد بە پلاتفرمی دیاری خاوەنی رێکخراوی و پێگەی تایبەت و سەر بەخۆ بێت و بە وەدەس هێنانی ئابوری دیاری خۆی نەهێلێت لە جگە ژن کەس بێتە دەم راسی .

هه‌ر وەک ئاگادارن بەرەی نیشتمانی لە پلاتفرمی دیاری ئاماژەی بەم مەسەلە سەرکیە کردوە و هیوادارین ژنانی کورد بەرپرسانە دەوری کارامە لە بەرەی نیشتمانی ببینن و بە ئامانجە گەشتیەکەمان واتە سەر بەخۆی کوردستان بگەین و لەوە زیاتر تەنیا بە یاد کردنەوەی سالانە پەسەندە نەکەین و چالاکانە دژی ناعەدالەتی و توندوتیژی بەرانبەر بە ژنان بینەوە و کۆمەلگایەکی ئارام و بەختەوەر بۆ چینی نوێی بێنینە دی .

هه‌ر بژی یەکیەتی و یەک ریزی مالی کورد
بژی کۆمەلگایەکی یەکسان

بەرەی نیشتمانی رۆژهه‌ڵاتی کوردستان ( لە ناوخۆیی وڵات )
برواری ٢٤ / ١١ / ٢٠١٢

Share