Red Purple Black
Kurdistanigawre@gmail.com
دووبارە کردنەوەی سیناریوکان !

246470 109772895844065 320112885 n

دووبارە کردنەوەی سیناریوکان !

ئەوەی کە لە میدایاکان بلاو دەکرێنەوە و ئەوەی بە بەردەوامی بە پێوەندیە ژێر بە ژێرەکان سەرقالن ، بالورە لێی دانی چونەیەتی ئاور دانەوە و یەک دەنگی لە گەل برا ئێرانییەکانە !! جگە لە تایبەت مەندیەکانی ئەم بەرێزانە ، رابەرایەتیان ، روانگە و ئایدولوژی و نەێنەرایەتی کردنی چینێکی دیاری ناو کۆمەلگا . بە تێکرایی لە فکرەی ئێرانچیەتیەوە سەر چاوە دەگرێ بویە هوی سستی و لە دەس دانی باوەر بە خۆ لە ناو لایەنی سیاسی کوردەواری بەر چاوە و هه‌ر بەو پێیە بە بێی هه‌بونی سنوری دیاری کراو و گوێی دان بە رای گشتی ، بەرنامە دارێژراوەکان ، بەشدار بوان وەتەنانەت مامەلە کردنەکان ! بە شانازیەوە بە ناوی خوازیاری دیالوک بەشداری کور و کوبونەوە بە ناو کنفرانسە یەک لە دوای یەکە شكست خواردوەکان دەکەن !! وە هه‌ر جارەی کە دەسیان لە هه‌مبانەکە دەر دەچێ پاساوی بۆ دەهێنەوە و تەر نابن !!!
ئەوەی کە حاشا هه‌لنەگرە جەماعەتی حەجەمان بە ناوی ئوپوزیسونی ئێرانی هه‌ر لە بیدایەتەوە بە سیاسەتی چەوت و رەگەی فکرەی چەوتی ئاینی شیعە ئەم دەسە گولەیان دا لە سەری خەلک کە تا ئێستا پێوەی دەنالێنن و پاشماوەی ئەمانە نەک وەک لایەنێکی سیاسی خاوەن رێکخراو و ..... بەلکو بە تاکە کەسی لە دەهول لێدانن و خۆ بە فەیلەسوفی زەمان دەزانن ئەوەی کە بە کردوە بونی نییە ، باسی هه‌ژارانی کۆمەلگاکەیانە و لە مەر دەس راگەیشتن بە پارە و عانە لە هیچ کار و پلانێک سل ناکەن و نمونە بەر چاوەکانیان حەزەراتی نوری زادە و نەوەی رەزا ژاندار و سازگار و مەدحەیەکانە و تەنانەت لە سیخوری دەوریان هه‌بوە !!! بەلام دیسان بە داخەوە لایەنی سیاسی کوردەواری بە ئاگادار بونیان لەم واقعانە بۆ ئەوەی بروا بە خۆ و گەلیان وەک هه‌ستی نەتەوایەتی و نیشتمانی لاوازە جگە لە هاونشینی و گوفت و

پشتیوانیان بەر دەوام ژێر بە ژێر و دور لە چاوی گەل رێکەوتن و .... لە گەلدا پێک دێنن و بە کوردی زور جاران بە هه‌وای ئەوانیش هه‌لدەپەرن و لە سەر هه‌مان بیروکەی ئێرانچیەتی بە بیانوی دیالوک و تێی گەیشتن لە گەل کورد درێژە بەم سیناریویانە دەدەن !!! بە بێی ئەوەی بۆ جارێکیش لە خۆ بپرسن ئەم حەزاراتانە کێن یا خۆد لانی کەم پاشی ٥٠ سالی رابردو کاتێ لە کورد تێنەگەیشتون بە ٥٠ سالی کەش تێی ناگەن ، یا نایانەوێت لە کورد تێی بکەن و دوژمنایەتی کردنی کورد لە خۆێن و رەگیان دایە . ئەمجار بانگە وازی میوانداری بروکسل لە لایەن بەرێزانی کورد دەکرێ !!!!!


باس ئەوەیە کە لە رابردوە ئەو کوبونەوەانەی بە ناو کونفرانسی ئەمریکا ، سوید ، بروکسل ، پراک و ... لایەنی سیاسی کورد بە سەرە روویی و ئاورنەدانەوە لە هاو خەباتیانی کورد ، فریوی تەلەکە بازی حەجەمانی خواردوە و بە عەینی ئاشکرایە کە هاوکات لە خوێندنەوەی مارشی ئەی ئێران !! حکومەتی نگریسی جمهوری ئیسلامی دەوری سەرەکی لە لایان مەدحیەکانی سپای پاسداران گیرا ، تا ئێرە بلێن : لایەنی سیاسی کورد کە هەبون و حەیات و ژیانی بە گەلی کوردەوە بەندە کلاوی سەر چوبێ و ئاگای لەم کەین و بەینانە نەبوە و نییە . پرسیار ئەوەیە کاتێ پەردە لە سەر حەجەمان هه‌لگیراوە و زاتی حەجەمان ئاشکرا بوە ، جگە لەوەی ئەم لایەنە بەرێزانە بروا بە خۆ و گەلیان لە دەس دابێ هیچ مەنتق و ئەقلیەتێک رێگە دەدا درێژە دەری ئەم سیناریویانە بن ؟؟؟؟!!!!


ئێستاش کوبونەوەی بروکسل لە ئارا دایە و بانگەشەی بۆ دەکرێ : ئەم کۆبونەوەیە درێژە دەری بە ناو کونفرانسە شکست خواردوەکان نییە !!! پرسیار ئەوەیە :
- وای دابنێن ئەم کوبونەوە و میوانداریە درێژە دەری سیناریو شکست خواردوەکانی ئەمریکا و ستوکهلم و بروکسل و پراک و ... نەبێ . وە ئەوەندە کورد داماوە لە ئاستی جیهانی ناو ناو بانگی هه‌یە و مێژووێکی دور و درێژ و پر لە کارەساتی هه‌یە و نەوە فاشیەکانی داگیر کەری ئێرانی نایناسن و رێبەرانی کورد بەرپرسایەتی ئەخلاقی و سیاسی و ئینسانیان کەوتوتە سەر و ناعیلاجن ئەم دەعبایانە تێی بگەیەنن !! ئەمانەی کە ئێوە بەرێزانی کورد بە نوێنەرانی حەجەمانیان دەزانن و بە برا گەورەیان لە قەلەم دەدەن کێن ؟؟؟؟ کامە رێکخراو و تەشکیلاتی کارامە و بەرچاویان لە ناو خەریتە پشیلەکەدا بە ناوی ئێران هه‌یە ؟؟؟؟؟ کورد دەلێت : چ بارەکە بێنیتە لای کەرەکە و چ کەرەکە بێنیتە لای بارەکە هه‌ر یەکە . دوێنی لە سەر پاراستنی خاکی ئێران ئەم سیناریویانە لە لایەن حەجەمانەوە گیرا و ئەمرو لە لایەن لایەنی سیاسی کورد !!!وە هه‌مان جەماعەت بەشدار و خاوەن را دەبەن ، تازە ئەگەر قەدەم رەنجە فەرمون و بێن !! فەرقی ئەمانە لە کوێی دایە ؟؟؟

- دەفەرمون : ئەم بانگهێشتنە بە داوەت کردن و بەشداری لایەنی سیاسی ئێران . کەسایەتیەکان و خەلکانی سەر بە خۆ و .... پێک دێت . ئەم لایەنانە و کەسیایەتیانە و ..... کێن کە تا ئێستا ناویان لێی ناهێنن ؟؟؟ تۆ بلێت : جودا لە دەس و پاوەنەکان و هه‌مان حەزەراتی پێشو ، کەسی کە هه‌بێ ئاوری لێی بدەنەوە و بە خەیریەت نوێنەرانی چین و توێژەکانی کۆمەلگای تێیدا بێت ؟؟؟؟؟
- جگە لەم پرسیارانە و زور شتی کە ، ئایا بۆ پاراستنی پێگە و داواکاری بە حەقی گەلی کورد وە ناساندنی هه‌زاران بارەی بە حەجەمان و نەوەی داگیرکەران ، پێش لە رێکخستنی کوبونەوە و کونفرانس گەلێک ، یەک ریزی و یەک دەنگی لایەنی سیاسی و چین و توێژەکانی ناو کۆمەلگای کوردەواری ، شەرتی سەرەکی گەیشتن بە هه‌ر ئامانجێکی گەل نییە ؟؟؟؟؟ بۆ لە ئاستی ئەم واقع و راستیانە بێی دەنگن و دوای رووداوی رۆژ دەکەون ؟؟؟؟؟ لە کام زانست و مەنتق و عیلم و حەرەکە و شورشێک دا هه‌بوە کە گەلێک بە دەیان نوێنەری بێت و هه‌ر یەکەیان لە هه‌وایەک لێی دەن و بە ئامانج گەیشتبن تا ئێمە دووهه‌میان بین ؟؟؟؟ ئێوەی بەرێز بە هه‌ر فکرە و ئایدیولوژی و بەرنامەیەکی حیزبیەوهه‌یت وە دەشزانی بە تەنێ نوێنەری گەل نیت ، بۆ لە سەر چەن خالی گشتی لە قەوارەی بەرەیەکی نیشتمانی داکوکی گەل ناکەن ؟؟؟؟؟ ئێوەی بەرێز ئەم رو لە سەر دان نان و رێکەوتن لە سەر چەن خال کە لە بەرژەوەندی گشتی دا بێت چاو لە یەک زەق دەکەنەوە ، بەیانی چون دیموکراسی یەک دێنە ئارا کە ماڤی تاک پارێزراو بێت ، یا خۆد لایەنەی بەرانبەری جیا لە کورد لە ئاستی جیهانی گوێی بۆ کامەتان را گرێ و ..... ؟؟؟؟
ئێمە لامان وایە هیچ یەک لەم رەوشتانە کە لایەنی سیاسی کورد گرتویانەتە بەر نەک بە ئاکام ناگات ، بەلکو لە درێژ خایەن بە زەرەری گەل و نیشتمانە و کوشتنی کاتە و هه‌ر تێز و روانگەیەک بۆ پاساو هێنانەوە دوژمنە کە سودی لێی وەر دەگرێ . لایەنی سیاسی کورد کە بوون و حەیاتیان بەندە بە گەلی کورد و خاک و نیشتمانی کوردستان ، دەبێ چالاکانە لە هه‌ولی ئەوەدا بن ، سەرجەم چین و توێژەکانی کۆمەلگا هان بدەن یەک ریزی مالی کورد لە بەرەی نیشتمانی کارامە بکرێ و لە هه‌لبژاردنێکی ئازاد و دیموکراتیک دا نوێنەرانی بە حەقی گەل دیاری بکەن پاشان بە بەرنامەی دیاری و لە پێش دارێژراوی ئەوبەرەی نیشتمانییە بەرەو پیری هه‌ر جۆرە کارێکی دیپلوماسیانە بچن . جگە لەمە ، دڵ خۆش کردن بە حجەمان وای لێی دێت . فارس گوتەنی : شتر بیند در خواب پنبە دانەیە


هه‌ر چەن ئەم باسانە و دەیان باسی دی لە مەر باوەر نەبون بە خۆ و هه‌ستی نەتەوایەتی و نیشتمانی و داهاتوی کوردستان سەر چاوە دەگرێ و لە ئاکامی وەک دەبینرێ لێک ترازان و پچر پچر بونی لایەنی سیاسی بە دوادا هاتوە و راستەو خۆ مەیدانێکی ئاوەلە بۆ رەم بازێنی دەستی دەرەکی و داگیرکەران هاتوەتە ئارا . ئایا ئەم لایەنە دابراوانە و لایەنگەلێکی دی کە تازە هاتونەتە ئاراوە و پەیامی فکرەی نوێی و سەردەمیانەیان پێیە ،بۆ نەیانتوانیوە هاو دەنگ یان لانی کەم لێک نزیک بن و ببنە ئەهرومێکی فشار بۆ گوێی رایەلی ئەوانی دی لە ویست و ئاواتی گەل ؟؟؟؟ ئەوە نییە هه‌مو لە سەر ئەوە کوکین ، دەلێن : دابران بە شێوازی لاوازی و زەرەی شورشی بە دواوەیە !! ئەوە نییە هوکارەکان بە هه‌ست نەکردن لە واقع لە قەلەم دەدەن ، ئەوە نییە باسی فکرەی سەردەمیانە دەکەن ، ئەوە نییە چاو خشان بە رابردویان لا مەبەستە و .... لە کوی ئەم ئیدعایانە کامە کردوەی عەمەلیان بۆ گەل بە خەلات هێناوە ؟؟؟؟ ئەگەر لە سەر هه‌مان عەقلیەتی کون نین ، پێشکەوتنەکان ، دەستەبەری ئازادیەکان ، لێک نزیک بونەوەکان ، گەشەی هه‌ستی نەتەوایەتی و نیشتمانی و بانگە وازی یەک ریزی و گورینی من ، من کردنەکان بە ئێمە وە ... لە کوێی دایە ؟؟؟ کە بە داخەوە هه‌ندێ جار دەبینین لایەنە دابراوەکان چەقو لە یەک تیژ ئەکەن !!!!


ئەم بەرێزانە بە کەلک وەر گرتن لە وشەی ناحەز و دوور لە زانست و مەنتق ، بۆ سەر کونە و لێدانی یەک لە میدیاکانیان لە وشەی ( لایەنی سیاسی رەسەن !!!! ) کەلک وەر دەگرن . بە داخەوە دەبینین لایەنی دابراو بە ناوی هه‌لگری دروشمی گورانکاری و وشەی بریقە دار و .... بە هوی بایەخ نەدان بە ئەمری واقع و هه‌ستیار بوونی شورش و گورانکاریەکان و پێویستی بە گەشەی هه‌ر چی زیاتری هه‌ستی نەتەوایەتی و نیشتمان پەروەری ئەوانیش وەک هاوسەنگەرەکانی پێشویان لە حەلقەی بەستراو دا ماونەتەوە . ئەوەی کە لە ئاستی زور روداو و کارێ ژێر بە ژێری لایەنی لێک ترازاوی دوێنێیان بێی دەنگن یا خۆد بە حەزەرەوە دێنە زبان ، ئایا هو کار ئەوەیە: نازان یا خۆد ئاگادار نین ؟؟؟ نا بەرێزان ، راستی رووداو ئەوەیە ، بە درێژایی چەندین دیە کە ئەو بەرێزانە مولی سەر چاوەگەلی ئابوریی کە بۆ خۆیان روەخساندوە ، نەکا بیانەوێی بەرگری لە دەس پێی راگەیشتنی ئەمان بکەن و بەم رەوشتە بە لوکە سەر برینە لاوازیان کەن !! لێرە دایە حەلقەی بەستراو زەق دەبێتەوە و روکار لای ئەم ئازیزانە گورانخوازانە جێگەی سەرنج و مەبەستە و .... بویە بە داخەوە ئاوردانەوە لە بەرژەوەندی گەل و نیشتمان کە چی دەخوازێ و دەبێ چی رەچاو بکرێ و چی بونییاد بنرێ ، نامویە !!!! بە وتەی یەک لە سەر کردەکان جارێ ماویەتی !!!!
با لە قسەی زل و وشەی بریقەدار و گوفتی بێی عەمەل خۆ بپارێزین و بە زوانی کوردی پەتی لەگەل گەل دا بدوێن ، لە ئاکامی هه‌مو ئەم چەرمە سەریانە و نەکسە و شکان و مال وێرانیەک کە بە سەر کورد دا هاتوە تا ئێرە با بلێن : لە بەر ئەوە بوە کە لایەنی سیاسی بایەخی بە هه‌ستی نەتەوایەتی نەداوە و دوای کلاوی لاری ئێرانچیەتی کەوتوە . ئایا ئێوەی بەرێز کە پتر لە دە لایەنی سیاسی دیکەتان راگەیاندوە و هه‌ستان بەم واقعە تالە کردوە و بەرنگاری بونەتەوە ، ئەگەر بروا بە خۆ بوون ، بروا و پشت بەستن بە هێزی گەل ئامانجە . هوکاری دورە پەرێزی و بە حەزەر بونتان لە ئاستی بەرەی نیشتمانی لە چیی دایە ؟؟ ئەگەر لە بەرژەوەندی خۆتان بیر ناکەنەوە ؟؟؟؟؟ کورد دەلێت : شەل نییە و پای شکاوە !!! کە واتە ئایا درێژە دەری هه‌مان فکرەی کون نین ؟؟؟؟ ئێوە باش دەزانن و دان بەوە دا دەنێن کە تاکە رێگەی رزگاری گەل لە دەس مەینەتیەکان و .... بە هێز بوونی بەرەی نیشتمانیە ، ترس و دڵە خۆر پێتان لە بەشداری چالاکانەتان چییە ؟؟؟؟ لە گەل هه‌ر سیاسەت و ئایدیولوژیک کە هه‌تانبێت ، بە باوەر بە هێزی لە بن نەهاتوی گەل وە ئاوردانەوە لە بەرژەوەندی گەل و نیشتمان دەتوانن لە چەق بەستویی رزگارتان بێت و ببنە شت ، بێن ئاور لە راستی و واقع بدنەوە ، بێن هه‌ست بە هه‌ستیار بونی هه‌لی روخساو بۆ کورد بکەن ، بێن گورانکاریەکانی ناوچە لە خزمەت گەل بقوزنەوە ، بێن بروای راستەقینەتان بە خۆتان و پێگە و پایەی کورد هه‌بێ . لەوە زیاتر بە فیتوی حەجەمان مەیەنە سەما . حەجەمان هه‌رگیز ئازادی و سەربەخۆیی کوردستانیان ناوێ و هه‌موکات دژی دەوەستنەوە و بویە لەم کاتە هه‌ستیارە حەجەمان پێتان دەلێت : مامە ، تاکو چولەکەی بۆ بگرن ، لە خۆ بای مەبن و ئاور لە داوای گەل بدەنەوە . هه‌ر هنگاوێکی هه‌لەی ئێوە لە داهاتو بەرانبەرە بە خوێن رژانی رولەی کورد وە بگرە شەری مال وێرانکەری برا کوژی و ......
ئێوەیەک کە لە هه‌ولی رێکخستنی کونفرانسێ بۆ برا ئێرانییەکانن و خۆ بە پێشرەو دەزانن و لە داهاتی دەسکەوتی گەل بەرپرسایەتی و خەرج و ..... وە ئەستو دەگرن !!! بۆ لە سەر هه‌مان ١٥ خالی پێشکەش کراوی بەرەی نیشتمانی ، بە ئەرکی ویژادانی و مەنتقی و زانستی خۆتان هه‌لناستن ؟؟؟؟؟ کێهە رێگە پیرۆزتر و بە ئاکام دەگات ؟؟؟؟ کێهە رێگە سەرەکیە و لە بەرژەوەندی گەل و نیشتمان دایە ؟؟؟؟؟ لە خەو راپەرەن و مەهێلن بە جورێ لە جورەکان کەونە داو و ببنە دار دەس . دڵنیا بن چینی نوێی لەوە زیاتر مەودا نادا کە لە ئاستی داواکاری گەل بێی دەنگ بن .

هه‌ر بژی یەک ریزی مالی کورد
شەکاوە بێت ئالای بە خوێن شەلالی کورد
" تێبینی :
لینکی بانگەوازی کونفرانسی بروکسل
https://www.facebook.com/photo.php?fbid=389989034412986&set=a.246955688716322.57344.157090921036133&type=1&theater

بەرەی نیشتمانی رۆژهه‌ڵاتی کوردستان ( لە ناوخۆی وڵات )
برواری ٠٢ / ١٢ / ٢٠١٢

 

 

 

Share