Red Purple Black
Kurdistanigawre@gmail.com
خێرخوازێك ئەركی چارەسەری رۆژنامەنووسێك دەگرێتە ئەستۆ

 

 

 

 

 

 

 

385779 321084141248393 932573871 nخێرخوازێك ئەركی چارەسەری رۆژنامەنووسێك دەگرێتە ئەستۆ

 

پاش ئەوەی كە باری تەندروستی رۆژنامەنووس (كیومەرس مەنسوری) ئەندامی كارای لقی سلێمانی سەندیكای رۆژنامەنووسانی كوردستان تێكچوو دووچاری نەخۆشیەكی كوشندە هات ... هەوڵدرا لە رێگای كەمپین و هاوكاری هاوڕێكانیەوە پارەی چارەسەرو ناردنە دەرەوەی بۆ دابینبكرێت..

خۆشبەختانە بازرگانی ناوداری شاری سلێمانی (یاسین محمود رشید) ناسراو بە (مەلا یاسین) خاوەنی كۆمپانیای بەرێز، بڕیاریدا سەرجەم تێچوی چارەسەری نەخۆشیی (كیومەرس) و ناردنەدەرەوەی بگرێتە ئەستۆی خۆی، مەلا یاسین ویستی بڕی پارەكە لە سەر حسابی بانكی لقی سلێمانی سەندیكای رۆژنامەنووسانی كوردستان دابنێت، بەڵام ئێمە پێمان باشتربوو خەرجیەكان بە ئاگاداری لیژنەیەك لە رێگەی كۆمپانیای بەڕێزەوە بێت.

باری تەندروستی (كیومەرس) لەئاستێكی هێندە خراپدا بوو، بەپێی ئەو راپۆرتە پزیشكیانەی لەنەخۆشخانەی هیوا لە شاری سلێمانی و نەخۆشخانەیەكی تری وڵاتی توركیا بۆی ئامادەكرابوو، كە راپۆرتەكان نێردران بۆ نەخۆشخانەكانی دەرەوەو  پەیوەندی بەسێ‌ نەخۆشخانەی وڵاتی ئەڵمانیاوە كرا تا فیزای خێرا بدەنە ئەو رۆژنامەنووسە، هیچ نەخۆشخانەیەكیان ئامادەییان نیشان نەدا فیزا بدەنە كیومەرس.

ئێمەش وەك لقی سلێمانی سەندیكای رۆژنامەنووسانی كوردستان هەر لە سەرەتاوە چەندین دانیشتنمان لەگەڵ هەردوولا ئەنجامدا، دواجار شەوی (5/11/2013) لە كۆبوونەوەیەكدا كە خێزانی (كیومەرس) و لقی سلێمانی سەندیكاو كۆمپانیای بەرێزی تێدابوو، گفتوگۆ بۆ دۆزینەوەی رێگاچارەیەكی خێرا كرا، دواجار لەسەر داوای هاوسەری (كیومەرس)و بە ئاگاداری لیژنەكە بڕیاردرا كە (كیومەرس) بە یاوەری شۆخانی هاوسەری و نوێنەرێكی كۆمپانیای بەڕێز بنێردرێتە نەخۆشخانەی ئەڵمانی لە وڵاتی توركیا.

هەر بۆیە لەو شەوەدا بلیت و فیزاو پێداویستیەكانی تر لەلایەن كۆمپانیای بەرێزەوە ئامادەكران و شەوی پێنج شەممە (7/11/2013) لە فرۆكەخانەی نێودەوڵەتی سلێمانیەوە بەرەو نەخۆشخانەی ئەڵمانی لە شاری ئەستەمبوڵ بەرێكەوتن.

پاش وەرگرتنی چارەسەری سەرەتایی لەو نەخۆشخانەیەوە گوازرایەوە بۆ نەخۆشخانەی ئیتاڵی تایبەت بە شێرپەنجە لە ئەستەمبوڵ.

سەندیكای رۆژنامەنووسانی كوردستان، بەتایبەت لقی سلێمانی، ئاگامان لە سەرجەم وردەكاریەكانی ئەم بابەتە هەیە، بۆیە رۆڵی مرۆڤانەو ئەركی مێژوویی (مەلا یاسین) لە كۆنووسی فەرمیدا تۆماردەكەین و بەرزدەینرخێنین، ئەوەی لە دەستمان بێت لەم قۆناغەدا، تەنها ئەوەیە دوعاو هیوای چاكبوونەوە بۆ (كیومەرس مەنسوری) بخوازین و سوپاسو پێزانینی خۆمان و سەرجەم رۆژنامەنووسانیش بگەیەنینە (مەلا یاسین) خاوەنی كۆمپانیای بەرێز، كە هەموو هەوڵێكی خۆی خستە كار بۆ چارەسەری ئەو رۆژنامەنووسە..

هیوادارین نموونەیان زۆر بێت.

خوای گەورەش چاكەی چاكەكاران ون ناكات.

 

 

لقی سلێمانی

سەندیكای رۆژنامەنووسانی كوردستان

10/11/2013

 

 

 

 

 

 

 

Share